Seçki xəbərləri
Uğurlu gələcək naminə
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qəriblər və Ərkivan bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə YAP Masallı rayon təşkilatının sədri Seyfəddin Əliyev çıxış edərək, partiyanın seçki proqramı haqqında məlumat verib. O, YAP-ın daim xalqa xidmət prinsipini əsas götürdüyünü, əməli fəaliyyəti ilə böyük rəğbət qazandığını bildirib.
Görüşdə seçki qərargahının üzvü Cəlal Əliyev, bələdiyyə üzvlüyünə namizədlərdən Kamal Mazanov, Elvin Ağayev bildiriblər ki, görülən işlər bütün sahələrdə davamlı yüksəlişi təmin edir. Çıxışçılar YAP-ın ölkəmizdə keçirilmiş bütün seçkilərdə qazandığı parlaq qələbələrdən ətraflı söz açıblar.
Seçicilər İntiqam Hüseynov, Cavanşır Əliyev, İldırım Allahyarov, Firdovsi Abbasov, Şakir Həsənov və başqaları bələdiyyə seçkilərində Yeni Azərbaycan Partiyasının namizədlərinə səs verəcəklərini vurğulayıblar.
