YENİ AZƏRBAYCAN PARTİYASI

1995-ci ilin noyabr ayının 12-də Yeni Azərbaycan Partiyasının qurucusu ümummilli lider Heydər Əliyevin təşəbbüsü və rəhbərliyi ilə Azərbaycan Respublikasının ilk Konstitusiyası qəbul edilmişdir. Bəşəri ideyalara, demokratik dəyərlərə əsaslanan bu Konstitusiya respublikanın gələcək inkişaf istiqamətlərini müəyyənləşdirmiş, dövlətin demokratik əsaslarını möhkəmləndirmək üçün real zəmin yaratmışdır. Konstitusiyanın qəbulundan sonra ölkəmizdə dinamik inkişaf, respublikamızın Avratlantik strukturlarına inteqrasiyası sahəsində mühüm nailiyyətlər əldə edilmişdir. 5 bölmə, 12 fəsil, 158 maddədən ibarət Konstitusiyanın 48 maddəsi sırf insan hüquq və azadlıqları ilə bağlı olmuşdur.