Seçki xəbərləri
Suraxanı rayonunda növbəti görüşlər keçirilib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Bakı şəhəri, Suraxanı rayonu, Əmircan və Qaraçuxur bələdiyyələri üzrə Yeni Azərbaycan Partiyasının (YAP) namizədlərinin seçicilərlə məhəllə görüşləri keçirilib.
Seçicilərlə görüşlər Əmircan qəsəbəsi, 1/93 ünvanında, Məktəbli və Neftçi küçələrində namizəd Aytac Xalıqzadənin, Qaraçuxur qəsəbəsi, Yeni Günəşli “Q” yaşayış sahəsi, Abad məhəllədə 21, 22, 23 saylı binaların qarşısında, Şərq yaşayış sahəsi 15 və 16-cı döngə ünvanlarında namizədlər İxdiyar Nəcəfovun, Arif Şahmuradovun, Mirvari Quliyevanın, Rəşad Rzayevin, İlham Mirzəyevin iştirakı ilə keçirilib.
YAP-ın namizədləri partiyanın seçki proqramı ilə seçiciləri tanış edib və gələcək planları haqqında geniş məlumat veriblər. Seçicilər isə YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcələrini vurğulayıblar.
