Seçki xəbərləri
Kürdəmirdə seçicilərlə növbəti görüş...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Kürdəmir rayonu, Karrar qəsəbə, Atakişili, Muradxan və Sığırlı bələdiyyələri üzrə Yeni Azərbaycan Partiyasının (YAP) namizədlərinin seçicilərlə məhəllə görüşləri keçirilib.
Görüşlərdə çıxış edən seçki qərargahının üzvü Nurlan Şəfiyev və bələdiyyə üzvlüyünə namizədlər Ziya Kərimov, Baba İbişov, Əmrah Calalov, Neman Nuruyev, Tofiq İsmayılov, İsmayıl Kərimov, Cambul Novruzov, Haxverdi Sadıqov ölkəmizin çox mühüm nailiyyətlərə imza atdığını və Zəfər zirvəsinə yüksəldiyini, eləcə də, indiyə qədər tarixi uğurlara imza atan Yeni Azərbaycan Partiyasının bələdiyyə seçkilərində də mühüm qələbə qazanacağına əminliyini ifadə ediblər. Onlar görüş iştirakçılarını seçkilərdə fəal iştirak edərək Yeni Azərbaycan Partiyasının namizədlərinə səs verməyə çağırıblar.
Seçicilər Dəyanət Kərimov, Əlifleyla Kərimova, Rasim Xəlilov, Elməddin Məmmədov, Elxan Qaybalıyev, Sarvan Əmirov, Xanhüseyn Məmmədov, Xalid Heydərov, Rövşən Cəfərov, Vüsal Əliyev bələdiyyə seçkilərində fəal iştirak edəcəklərini və YAP-ın namizədlərinə səs verəcəklərini vurğulayıblar.
