Seçki xəbərləri
Davamlı inkişaf naminə
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təbliğat-təşviqat mərhələsi çərçivəsində Ağcabədi rayonu, Avşar bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Ağcabədi rayon təşkilatının əməkdaşı Akif Əliyev bidirib ki, ölkəmizdə bələdiyyə institutunun inkişafı istiqamətində ardıcıl tədbirlər görülüb. O, qeyd edib ki, aparılan islahatlara uyğun olaraq bələdiyyələr səmərəli fəaliyyətləri ilə region iqtisadiyyatının dinamik inkişafına təkan verəcək.
Görüşdə Avşar bələdiyyəsi üzvlüyünə namizədlər Vaqif Kazımov, Xatirə Hüseynova, Murad Cəfərov və Zülfüyyə Mehdiyeva bütün seçiciləri seçkilərdə fəal iştirak etməyə çağırıblar.
Seçicilər Vəsilə Hüseynova, Namaz Mamedov, Rizvan Aslanov, Nazim Məmişov və digərləri ölkəmizin inkişafına mühüm töhfələr verən Yeni Azərbaycan Partiyasının irəli sürdüyü namizədləri dəstəkləyəcəklərini bildiriblər.
Qeyd edək ki, Avşar bələdiyyəsi üzrə namizədlər Vaqif Kazımov, Murad Cəfərov və Ağcabədi bələdiyyəsi üzrə YAP-ın namizədi Samirə Xuduyeva seçicilərlə məhəllə görüşləri də keçiriblər.
