Seçki xəbərləri
Tovuzlular qələbələr partiyasına səs verəcəklər
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Tovuz rayonu, Tovuz və Əlimərdanlı bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Tovuz rayon təşkilatının sədri Nihad Pənahov Prezident İlham Əliyevin rəhbərliyi ilə qalib xalqın nümayəndələri kimi möhtəşəm uğurlara şahidlik etdiklərini və gələcəyə doğru inamla addımlandığını bildirərək, seçkilərin tam şəffaf və demokratik şəraitdə baş tutması üçün hər cür şəraitin yaradıldığını diqqətə çatdırıb.
Seçki qərargahının üzvləri İlqar Kərimov, Rauf Rüstəmov bələdiyyə üzvlüyünə namizədlər Şirin Əhmədov, Teymur Zeynalabdıyev, Lamiyyə Əliyeva seçiciləri seçkilərdə fəal iştirak etməyə və YAP-ın namizədlərini dəstəkləməyə çağırış ediblər.
Görüşlərdə iştirak edən seçicilər Azərbaycanın dinamik inkişafına müstəsna töhfələr verən Yeni Azərbaycan Partiyasının irəli sürdüyü namizədləri dəstəkləyəcəklərini bildiriblər.
Qeyd edək ki, namizədlərin məhəllə görüşləri də keçirilib.
