Seçki xəbərləri
Şahbuz seçiciləri YAP-ın namizədlərinə səs verəcəklər!
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şahbuz rayonu, Şahbuz bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Şahbuz rayon təşkilatının sədri Rizvan Məmmədov qeyd edib ki, Yeni Azərbaycan Partiyası hər zaman öz fəaliyyətində xalqa xidmət prinsipini əsas götürüb. “Bu səbəbdən partiyamız davamlı uğurlara və böyük qələbələrə imza atıb. Bələdiyyə seçkilərində də xalqın seçiminin Yeni Azərbaycan Partiyası olacağına şübhə yoxdur”, - deyə R.Məmmədov vurğulayıb.
Bələdiyyə üzvlüyünə namizədlər, Kəramət Abbaslı, Aysu Hacıyeva, Yenibar Hüseynov, Səmra Məmmədli, Əvəz Mürşüdov, Elcan Müzəffərli, Ofelya Piriyeva, İlham Qəhrəmanov, Bəxtiyar Tarverdiyev, Yenibar Vəliyev seçiciləri yeni uğurlar əldə etmək üçün Yeni Azərbaycan Partiyasının namizədlərinə səs verməyə çağırıblar.
Seçicilər Aynur Hüseynova, Günay Əliyeva, Heydər Cəbiyev və digərləri bələdiyyə seçkilərində partiyanın namizədlərini dəstəkləyəcəklərini bildiriblər.
