Seçki xəbərləri
Gəncəlilər YAP-ı dəstəkləyirlər
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Gəncə şəhəri, Nizami və Kəpəz bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Gəncə şəhər təşkilatının sədri, partiyanın İdarə Heyətinin üzvü Bayram Aslanov Azərbaycanın dahi şəxsiyyət Heydər Əliyevin, Prezident İlham Əliyevin uğurlu siyasəti nəticəsində inamla irəlilədiyini qeyd edib. B.Aslanov vurğulayıb ki, Azərbaycan uğurla inkişaf edərək mühüm nailiyyətlərə imza atır.
Seçki qərargahının üzvü Eldar Zeynalov, təşviqat qrupunun üzvü Tural İsaqov yeni mərhələdə davamlı nailiyyətlər əldə etmək üçün seçiciləri Yeni Azərbaycan Partiyasını dəstəkləməyə çağırıblar.
Seçicilər YAP-ın hər zaman xalqın etimadını doğrultduğunu və qarşıdan gələn bələdiyyə seçkilərində partiyanın namizədlərinə səs verəcəklərini bildiriblər.
Qeyd edək ki, Nizami və Kəpəz bələdiyyələri üzrə namizədlər seçicilərlə məhəlli görüşləri keçiriblər.
