Seçki xəbərləri
YAP ümumxalq və qələbələr partiyası kimi...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Kürdəmir rayonu, Sığırlı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Seçki qərargahının üzvləri Nurlan Şəfiyev, Rüfət Nəsirov, bələdiyyə üzvlüyünə namizədlər Haqverdi Sadıqov, Cambul Novruzov, Vüqar Əhmədov, Tofiq İsmayılov, İsmayıl Kərimov, Azər Ağayev, Qəzənfər Kərimli, Elxan Usubov YAP-ın ümumxalq və qələbələr partiyası kimi yüksək nüfuza malik olduğunu deyiblər. Onlar bildiriblər ki, bütün bu fundamental siyasi və iqtisadi əsaslar Yeni Azərbaycan Partiyasının seçkilərdə qələbəsini təmin edir.
Seçicilər Fərahim Cəfərov, Novruz Sultanov, Əlsəftər Məlikov, Akif Abdulov, Vaqif Həsənov, Ərzuman Məmmədov və digərləri YAP-ın hər zaman vətəndaşların etimadını doğrultduğunu vurğulayaraq, ölkənin dünəninin, bu gününün və sabahının partiyasının namizədlərinə səs verəcəklərini qeyd ediblər.
Qeyd edək ki, Kürdəmir, Muradxan, Köhünlü və Karrar bələdiyyələri üzrə namizədlərin seçicilərlə məhəllə görüşləri də keçirilib.
