Seçki xəbərləri
YAP yeni uğurların astanasındadır
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Sumqayıt şəhəri, Corat bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Sumqayıt şəhər təşkilatının sədr müavini Cavid Məmiyev Yeni Azərbaycan Partiyasının cəmiyyətdə yüksək nüfuza malik olduğunu, qarşıdan gələn bələdiyyə seçkilərinə böyük ruh yüksəkliyi və qələbə əzmi ilə getdiyini vurğulayaraq Sumqayıt seçicilərinin növbəti dəfə inkişafa səs verəcəklərinə əminliyini ifadə edib,
Seçki qərargahının üzvləri Əlibaba Balamiyev, Yəhya Quliyev, şəhid atası Əhməd Əhmədov və bələdiyyə üzvlüyünə namizəd Ağabəy Paşayev
YAP-ın seçki proqramında nəzərdə tutulan hədəflərdən danışmaqla yanaşı, seçiciləri partiyanın namizədlərini dəstəkləməyə çağırıblar.
Görüşdə çıxış edən seçicilər qarşıdan gələn bələdiyyə seçkilərində YAP-ın namizədlərini dəstəkləyəcəklərini bildiriblər.
Qeyd edək ki, Sumqayıt bələdiyyəsi üzrə YAP namizədlərinin seçicilərlə məhəllə və fərdi görüşləri də keçirilib.
