Seçki xəbərləri
Qusarda seçicilərlə görüşlər davam edir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qusar rayonu, Qusar bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Qusar rayon təşkilatının sədri David İbramxəlilov bildirib ki, yüksək rifah və vətəndaş məmnunluğu ölkəmizdə keçirilən sosial siyasətin əsas prinsipləridir: “Azərbaycan xalqı növbəti seçki ərəfəsindədir. Ötən seçkilərdə olduğu kimi, bu seçkilərdə də YAP fəal iştirak edir”.
Bələdiyyə üzvlüyünə namizədlər Təlim Yarmətov, Zalikə Qayıbxanova, Reyhan Hüseynəliyeva, Səfər Manafov yanvarın 29-da bələdiyyə seçkilərinin tam şəffaf və demokratik şəraitdə keçirilməsinə hər cür şəraitin yaradıldığını qeyd ediblər. Çıxışlarda ölkəmizdə bələdiyyələrin yaranma tarixi, ötən dövr ərzindəki fəaliyyətləri barədə ətraflı məlumat verilib.
Seçicilər Əflan Kamalov, Nəzakət Əmiraslanova və başqaları YAP-ın hər zaman xalqın etimadını doğrultduğunu və qarşıdan gələn bələdiyyə seçkilərində partiyanın namizədlərinə səs verəcəklərini bildiriblər.
