Seçki xəbərləri
Şanlı zəfərdən yeni zirvələrə doğru!
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Abşeron rayonu, Məmmədli bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Abşeron rayon təşkilatının sədri Abbas Əliyev qeyd edib ki, Ümummilli Lider Heydər Əliyevin ideyalarının təntənəsinin təzahürü olan müasir Azərbaycan şanlı Zəfərdən yeni zirvələrə doğru inamla irəliləməkdədir.
Bələdiyyə üzvlüyünə namizədlər Ceyhun Ələsgərov və Şərif Şərifov YAP-ın seçki proqramında əksini tapan hədəfləri diqqətə çatdırıblar.
Qeyd edək ki, Yeni Azərbaycan Partiyasının namizədləri Abşeron rayonunun kənd və qəsəbələrində bir neçə məhəllə görüşü də keçiriblər.
Görüşlərdə iştirak edən seçicilər Azərbaycanın dinamik inkişafına müstəsna töhfələr verən Yeni Azərbaycan Partiyasının irəli sürdüyü namizədləri dəstəkləyəcəklərini bildiriblər.
