Seçki xəbərləri
YAP ölkədə böyük nüfuza malikdir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qazax rayonu, Şıxlı bələdiyyəsi üzrə seçicilərlə görüş keçirilib.
YAP Qazax rayon təşkilatının sədri Anar Nəbiyev partiyanın seçki proqramı haqqında ətraflı məlumat verib.
Görüşdə seçki qərargahının üzvləri Fərhad Qocamanov, Elxan Abdullayev, İsgəndər Qurbanov, Azər Məmmədov, Cavanşir Rüstəm sosial-iqtisadi sahədə əldə edilən nailiyyətlərdən söz açıblar. Bildiriblər ki, ölkəmizdə həyata keçirilən sosial-iqtisadi layihələr, proqramlar vətəndaşlarımız tərəfindən böyük razılıq və rəğbətlə qarşılanır.
Seçicilər Araz Vəliyev, Tahir Musayev, Şölə Mustafayeva, Qurban Mikayılov və başqaları çıxışlarında YAP-ın siyasətini dəstəklədiklərini və bələdiyyə seçkilərində partiyanın namizədlərinə səs verəcəklərini bildiriblər.
