Seçki xəbərləri
Xətai rayonunda seçicilərlə məhəllə görüşləri keçirilib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Bakı şəhəri, Xətai rayonu, Xətai və Əhmədli bələdiyyələri üzrə Yeni Azərbaycan Partiyasının (YAP) namizədlərinin seçicilərlə fərdi və məhəllə görüşləri keçirilib.
Görüşlərdə iştirak edən namizədlər Nərminə Hacıyeva, Allahverdi Həsənli, Afaq Qədirova seçicilərə bələdiyyələrin hüquq və vəzifələrindən danışıblar. Onlar, həmçinin sosial sahədə davamlı olaraq həyata keçirilən islahatlardan da söz açıblar. Bildiriblər ki, sosial sahədə həyata keçirilən uğurlu siyasət nəticəsində əhalinin rifah halı, güzəranı gündən-günə yaxşılaşır.
Bələdiyyə üzvlüyünə digər namizədlər Günay Əliyeva, Elvin Qədirov, Qubad Kərimov, İmran Məmmədov, Aytac Əlizadə, Həsən Əliyev cənab İlham Əliyevin rəhbərlik etdiyi YAP-ın bələdiyyələrin inkişafına verdiyi töhfələrdən bəhs ediblər. Onlar yeni hədəflər naminə seçiciləri YAP-ın namizədlərinə səs verməyə çağırıblar.
Görüşlər zamanı seçicilər YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
