Seçki xəbərləri
Milli məqsədlər uğurla gerçəkləşdirilir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Neftçala rayonu, Xol Qaraqaşlı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Neftçala rayon təşkilatının sədri Ülvi Fərzəliyev Ümummilli Lider Heydər Əliyevin xalqımıza çoxsaylı tarixi nailiyyətlər qazandırmaqla yeni, müasir və müstəqil Azərbaycan reallığını yaratdığını deyib. Qeyd olunub ki, bu gün Prezident İlham Əliyevin uğurlu siyasəti nəticəsində milli məqsədlər uğurla gerçəkləşdirilir, bütün sahələrdə nailiyyətlər qazanılır.
Bələdiyyə üzvlüyünə namizədlər Təyyar Şahbazov, Zərnişan Vəliyeva və digərləri YAP-ın yanvarın 29-da keçiriləcək bələdiyyə seçkilərində də xalqın dəstəyi ilə inamlı qələbə qazanacağına inam ifadə ediblər.
Qeyd edək ki, Neftçala və Qaraqaşlı bələdiyyələri üzrə namizədlərin seçilərlə qapı-qapı və məhəllə görüşləri də keçirilib.
