Seçki xəbərləri
Göygöllü seçicilər bələdiyyə seçkilərində fəallıq göstərəcək
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Göygöl rayonu, Göygöl və Topalhəsənli bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşləri keçirilib.
Görüşlər zamanı çıxış edən YAP Göygöl rayon təşkilatının sədri Vüqar İsayev partiyanın seçki proqramı və namizədləri haqqında ətraflı məlumat verib. O, uğurlarımızın davamı naminə seçiciləri YAP-ın namizədlərinə səs verməyə çağırıb.
Seçki qərargahının üzvü Raul Abbaszadə, bələdiyyə üzvlüyünə namizədlər Nazim Cahangirov, Araz Abbasov, Validə Hacıyeva, Yelman Bayramov və Samirə Əliyeva əhaliyə göstərilən xidmətlərin keyfiyyətinin yüksəldilməsi naminə qarşıda mühüm vəzifələr dayandığını bildiriblər.
Seçicilər Söhbət Qazıyev, Tarix Məmmədov, Mahir Məhərrəmov, Elcan Yusibov və digərləri bələdiyyə seçkilərində zəfərlər partiyası olan Yeni Azərbaycan Partiyasının namizədlərinə səs verəcəklərini vurğulayıblar.
Qeyd edək ki, həmin gün YAP-ın namizədləri Topalhəsənli, Şəhriyar və Kərəmli kəndlərində seçicilərlə məhəlli görüşlər də keçiriblər.
