Seçki xəbərləri
Ümidləri doğruldan partiya
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təbliğat-təşviqat mərhələsi çərçivəsində Ağcabədi rayonu, Muğanlı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Çıxış edən YAP Ağcabədi rayon təşkilatının məsləhətçisi Cavid İsmayılov bidirib ki, Prezident İlham Əliyevin liderliyi ilə Azərbaycan möhtəşəm uğurlara imza ataraq öz qüdrətini daha da artırıb.
Görüşdə Muğanlı bələdiyyəsi üzvlüyünə namizədlər Xaliq Abbasov, Nərgiz Məmmədova, Sənəm Muradova, Mədət Əlizadə və Şakir Quliyev çıxış edərək hüquqi və demokratik dövlət olan Azərbaycanda bələdiyyələrin inkişafının önəminə diqqəti cəlb ediblər. Namizədlər bu sahədə sistemli tədbirlərin davam etdirilməsi və mühüm nəticələrin əldə olunması üçün seçiciləri YAP-ın namizədlərinə səs verməyə çağırıblar.
Seçicilər Süleyman Rəhimov, Gülyanaq Abbasova, Cavid Rəhimov və digərləri çıxış edərək, bələdiyyə seçkilərində daim ümidləri doğruldan YAP-ın namizədlərinə səs verəcəklərini bildiriblər.
Qeyd edək ki, Ağcabədi rayonu, Ağcabədi bələdiyyəsi üzrə Yeni Azərbaycan Partiyasının namizədi Samirə Xudiyevanın seçicilərlə məhəllə görüşləri də keçirilib.
