Seçki xəbərləri
Ağstafa seçicilərinin seçimi bəllidir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Ağstafa rayonu, Qırılı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Ağstafa rayon təşkilatının sədri Etibar Hacıyev son illərdə əldə olunmuş uğurların qazanılmasında YAP-ın müstəsna xidmətləri olduğunu deyib. Daha sonra bələdiyyələrin fəaliyyətindən söz açan E. Hacıyev bu qurumun əhalinin sosial məsələlərinin həllində fəallıq göstərdiyini də bildirib.
Bələdiyyə üzvlüyünə namizədlər Şahlar Əzimov, Mövsüm Paşayev və Şahlar Məhərrəmov seçiciləri bələdiyyə seçkilərində fəal iştirak etməyə və ən layiqli namizədlərə səs verməyə çağırıblar.
Seçicilər Nəsimi Həsənov, Zülfiyyə Namazova, Siyahtel Alıyeva, Firdovsi Şamilov, Əjdər Quliyev, Almaz Yəhyayeva və başqaları qarşıdan gələn bələdiyyə seçkilərində YAP-ın namizədlərinə səs verəcəklərini vurğulayıblar.
Qeyd edək ki, Ağstafa rayonu, Xətai, Dağ Kəsəmən, Göycəli, Həsənsu, Ağstafa, Qarahəsənli, Muğanlı bələdiyyələri üzrə YAP-ın namizədlərinin - Mirəsgər Mahmudovun, Solmaz Nağıyevanın, Yasin Əhmədovun, Nizami İsgəndərovun, Nəsib Hacıyevin və Arifə İbrahimovanın seçicilərlə məhəllə görüşləri də keçirilib.
