Seçki xəbərləri
YAP qələbələr partiyasıdır
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qobustan rayonu, Qobustan bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə YAP Qobustan rayon təşkilatının sədri Qasım Qasımov ölkəmizdə bələdiyyələrin yaranma tarixi, ötən dövr ərzindəki fəaliyyəti, partiyanın seçki proqramı haqqında məlumat verib.
Çıxış edən seçki qərargahının üzvü Vüqar Hüseynov, bələdiyyə üzvlüyünə namizədlər Sevda Rəfiyeva, Elburus Xanatov və Ruslan Əhmədov bələdiyyələrin qarşısında dayanan vəzifələrdən danışıb, vəzifələrin yerinə yetirilməsi üçün seçiciləri YAP-ın namizədlərinə səs verməyə çağırıblar.
Görüş zamanı seçicilər YAP-ın fəaliyyətini dəstəklədiklərini vurğulayıblar.
