Seçki xəbərləri
Kürdəmirlilər inkişafımızın davamlılığına səs verəcəklər
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Kürdəmir rayonu, Kürdəmir, Atakişili və Xırdapay bələdiyyələri üzrə Yeni Azərbaycan Partiyasının (YAP) namizədlərinin seçicilərlə məhəllə görüşləri keçirilib.
Görüşlərdə çıxış edən seçki qərargahının üzvü Nurlan Şəfiyev və bələdiyyə üzvlüyünə namizədlər Dürriyyə Seyidova, Əmrah Calalov, Neman Nuruyev, Arif İskəndərov, Xalid Qafarov bildirblər ki, Ulu Öndər Heydər Əliyevin uzaqgörən və məqsədyönlü siyasi strategiyasının məntiqi nəticəsi olaraq Azərbaycan güclənib, inkişaf edib, öz müstəqil xarici siyasət kursu ilə beynəlxalq nüfuzunu möhkəmləndirib. Bu gün də uğurlarımız ölkə Prezidenti, YAP Sədri İlham Əliyevin rəhbərliyi ilə ardıcıl şəkildə davam edir. Onlar daha sonra seçki proqramı ilə bağlı məlumat veriblər və seçiciləri qarşıdan gələn seçkilərdə YAP-ın namizədinə səs verməyə çağırıblar.
Seçicilər Fikrət Səlimov, Gülsüm Qənbərova, Xəyyam Məlikov, Sahilə Müseyibova və digərləri YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini bildiriblər.
Qeyd edək ki, Kürdəmir rayonunun Şilyan-Qarabucaq, Mehdili və Yenikənd bələdiyyələri üzrə də YAP-ın namizədlərinin seçicilərlə məhəllə görüşləri keçirilib.
