Seçki xəbərləri
Parlaq gələcəyə inamla
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Beyləqan rayonu, Bünyadlı və Aşıqalılar bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Beyləqan rayon təşkilatının sədri Müşfiq Səfərov çıxış edərək ölkəmizdə bələdiyyələrin yaranma tarixi, ötən dövr ərzindəki fəaliyyətləri barədə məlumat verib. O, həmçinin bu seçkilərdə də YAP-ın ən layiqli namizədləri irəli sürdüyünü diqqətə çatdırıb.
Seçki qərargahının üzvü Niyaməddin Əsgərov və bələdiyyə üzvlüyünə namizədlər Mehman Abışov, Allahverdi Əliyev, Rasim Əliyev, Məzahir Nazarov, Ramil Məmmədov, Rüfət Məmmədov Novruz Quliyev və Ayaz Quliyev bələdiyyələrin bir çox mühüm layihələrin həyata keçirilməsinə, sosial məsələlərin həllinə önəmli töhfələr verdiyini bildiriblər.
Görüşlər zamanı seçicilər Kamandar Cəfərov, Nəsib Allahverdiyev, Faiq Babayev və Ələddin Cəfərov YAP-nın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
