Seçki-2024
YAP-ın seçki proqramında əsas hədəflər öz əksini tapıb
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Beyləqan rayonu, Təzəkənd bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Beyləqan rayon təşkilatının sədri Müşfiq Səfərov ölkəmizdə bələdiyyələrin yaranma tarixi, ötən dövr ərzindəki fəaliyyətləri, dövlətimiz tərəfindən yerli özünüidaəetmə orqanlarına göstərilən dəstək barədə məlumat verib. Bildirib ki, sonuncu bələdiyyə seçkilərindən ötən dövr ərzində ölkəmizin dayanıqlı sosial-iqtisadi inkişafı təmin olunub, əhalinin rifahı əhəmiyyətli şəkildə yüksəlib.
Seçki qərargahının üzvləri Nizami Bayramov, Niyaməddin Əsgərov və bələdiyyə üzvlüyünə namizədlər Bayram Cəfərov, Əsəd Cavadov, Səxavət Məmmədov, Pərviz Məmmədov, Sevda Quliyeva əldə olunan uğurlarla yanaşı, yerli özünüidarəetmənin təkmilləşdirilməsi naminə qarşıda mühüm vəzifələr dayandığını da qeyd ediblər. Bildiriblər ki, YAP-ın seçki proqramında bu məsələlərlə əlaqədar əsas hədəflər öz əksini tapıb
Seçicilər Ələddin Bayramov, Məmməd Bayramov, Dilarə Hüseynova və başqaları YAP-ın fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
Qeyd edək ki, Təzəkənd bələdiyyəsi üzrə YAP-ın namizədləri şəhid ailələrini ziyarət ediblər.
