Seçki xəbərləri
Qalib xalq YAP-ı dəstəkləyəcək
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Yardımlı rayonu, Porsova bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə giriş sözü ilə çıxış edən YAP Yardımlı rayon təşkilatının məsləhətçisi Şaiq Zaidli bildirib ki, bələdiyyə seçkiləri ölkəmizdə növbəti siyasi kampaniya kimi mühüm əhəmiyyət daşıyır. Natiq vurğulayıb ki, Prezident İlham Əliyevin rəhbərliyi ilə həyata keçirilən islahatlar Azərbaycana misilsiz uğurlar qazandırıb.
Bələdiyyə üzvlüyünə namizədlər Əfsər İmanov, Kamran İmanlı və Aytac Musayeva seçiləcəkləri təqdirdə vətəndaş məmnunluğunu prioritet məsələ kimi daim diqqətdə saxlayacaqlarını qeyd ediblər.
Görüşlər zamanı seçicilər Yeni Azərbaycan Partiyasının fəaliyyətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
