Seçki xəbərləri
Etimadı doğruldan partiya
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qax rayonu, Almalı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə YAP Qax rayon təşkilatının sədr müavini İlkin Abbasov Yeni Azərbaycan Partiyası tərəfindən namizədliyi irəli sürülmüş şəxslərə uğurlar arzulayıb.
Seçki qərərgahının üzvü Təbriz Cavadzadə və namizədlər Sərvan Omarov, Həbibullah Qarayev çıxışlarında bələdiyyə seçkilərinin bələdiyyələrin effektiv fəaliyyətinə müsbət təsir göstərəcəyini vurğulayıblar.
Seçicilər adından çıxış edən Hökümə Əhmədova və Nəcəf Mirzəyev isə bildiriblər ki, ölkəmizdə keçirilən bütün seçkilərdə aktiv iştirak etmək hər bir vətəndaşın borcudur. Çıxışçılar seçiciləri Yeni Azərbaycan Partiyasının namizədlərinə səs verməyə çağırıblar.
