Seçki xəbərləri
YAP gənclərin seçimidir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Bakı şəhəri, Nərimanov rayonu, Nərimanov bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Bələdiyyə üzvlüyünə namizədlər Birinci Qarabağ müharibəsi zamanı qəhrəmancasına şəhid olan Rövşən Məmmədovun ailəsini ziyarət ediblər. Namizədlər Təmraz Tağıyev, Nizami Babaşov, həmçinin ziyarətdə iştirak edən YAP Nərimanov rayon təşkilatının sədri Elçin Quliyev və təşviqat qrupunun üzvləri tərəfindən şəhidlərimizin əziz xatirəsi yad edilib, onların şərəfli döyüş yolundan bəhs olunub.
Qeyd edək ki, bələdiyyə seçkiləri ilə əlaqədar təşviqat kampaniyası çərçivəsində yerlərdə seçici aktivliyinin artırılması, seçicilərlə birbaşa ünsiyyətin qurulması məqsədilə YAP Nərimanov rayon təşkilatının gənc fəalları müxtəlif ünvanlarda yaşayan seçicilərə təşviqat xarakterli materiallar təqdim ediblər.
