Seçki xəbərləri
Daşkəsən seçiciləri YAP-ın namizədlərini dəstəkləyir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Daşkəsən rayonu, Qaraqullar bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Daşkəsən rayon təşkilatının sədri Meydanəli Yolçiyev qeyd edib ki, Prezident, YAP Sədri İlham Əliyevin siyasətinin təməlində çoxşaxəli islahatların həyata keçirilməsi dayanır. Bu islahatlar bələdiyyələrin davamlı inkişafına da müsbət təsir göstərir.
Bələdiyyə üzvlüyünə namizədlər Vasif Mustafayev, Aytac Tağıyeva, Elxan Məhərəmov, Səadət İsgəndərova, Eyvaz Paşayev, Aişə Hacızadə və Aytən İmanova YAP-ın seçki proqramı haqqında ətraflı məlumat veriblər. Onlar seçiciləri əmin ediblər ki, göstərilən etimadı doğrultmağa çalışacaqlar.
Seçicilər Vasil Həsənov, Afiq Məhərrəmov, Kamal Cəfərov və başqaları seçkilərdə fəal iştirak edəcəklərini və YAP-ın namizədlərinə səs verəcəklərini bildiriblər.
Qeyd edək ki, Daşkəsən bələdiyyəsi üzrə namizəd Afaq Əskərova, Quşçu bələdiyyəsi üzrə namizəd Həqiqət Kərimova, Qaraqullar bələdiyyəsi üzrə namizədlər Vasif Mustafayev, Səadət İsgəndərova və Aytən İmanova məhəllə görüşləri keçiriblər.
