Seçki xəbərləri
Yeni hədəflər istiqamətində
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şabran rayonu, Rəhimli bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə YAP Şabran rayon təşkilatının sədri Mehdi Balabəyov qeyd edib ki, Prezident İlham Əliyevin rəhbərlik etdiyi Yeni Azərbaycan Partiyası budəfəki bələdiyyə seçkilərinə böyük uğurlarla gedir. O söyləyib ki, Yeni Azərbaycan Partiyası bu zamana qədər qatıldığı bütün seçkilərdə qələbə qazanıb. “Əminliklə söyləmək olar ki, ümumxalq partiyası olan YAP bundan sonra da qarşısında duran vəzifələri uğurla yerinə yetirməklə ölkəmizin dayanıqlı və dinamik inkişafına müstəsna töhfələr verəcək”.
Görüşdə seçki qərargahının üzvü Seymur Qədəşov və bələdiyyə üzvlüyünə namizədlər Elşad Orucov və Akif Fərmanov bələdiyyələrin əhalinin məşğulluğunun təmin olunmasına və sosial məsələlərin həllinə önəmli töhfələr verdiyini bildiriblər.
