Seçki xəbərləri
Lerikdə YAP-ın namizədləri seçicilərlə görüşləri davam etdirir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Lerik rayonunun Siyov bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Lerik rayon təşkilatının sədr müavini Elnur Məmmədov bildirib ki, YAP-ın güclü siyasi partiya kimi özünü təsdiqləməsində partiyanın Sədri, Prezident İlham Əliyevin yüksək liderlik keyfiyyətləri müstəsna önəm kəsb edir.
Tədbirdə çıxış edən seçki qərargahının üzvləri Cahil Muxtarov, Elman Rəcəbov, Veysəl Məlikov, Siyov bələdiyyəsi üzrə namizədlər Tərlan Qəribov, Şəhriyar Məcidov və digərləri çıxış edərək seçiciləri bələdiyyə seçkilərində fəallıq göstərməyə və YAP-ın namizədlərinə səs verməyə çağırıblar.
Qeyd edək ki, YAP Lerik rayon təşkilatının sədr müavini Elnur Məmmədov, seçki qərargahının üzvləri Elman Rəcəbov, Veysəl Məlikov, Blaband bələdiyyəsi üzrə namizəd Balamirzə Mirhüseynov, Şingədulan bələdiyyəsi üzrə namizəd Rahil Məmmədov, Veri bələdiyyələri üzrə namizədlər Mehdi Qafarov, Mircəlal Cahangirov, Tofiq Mirzəyev, Vizəzəmin bələdiyyəsi üzrə namizədlər Bəxtiyar Mehtiyev, Əliniyaz Hüseynov, Əliabad bələdiyyəsi üzrə namizəd Vüqar Hüseynov, Çayrud bələdiyyəsi üzrə namizəd Dadaş Əlirzayev seçicilərlə məhəllə görüşləri keçiriblər.
Görüşlərdə seçicilər YAP-ın namizədlərini dəstəkləyəcəklərini bildiriblər.
