Seçki xəbərləri
YAP yeni hədəflərə doğru inamla addımlayır
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Bakı şəhəri, Nəsimi bələdiyyəsi üzrə Yeni Azərbaycan Partiyasının (YAP) namizədlərinin seçicilər ilə görüşləri keçirilib.
Görüşlərdə bələdiyyə üzvlüyünə namizədlər Fazil Qurbanov, Faiq Məmmədov, Orxan Musayev, Xalid Kərimov və Ramin Əhmədov bildiriblər ki, ölkəmizin sosial-iqtisadi tərəqqisinin, hərbi gücünün və beynəlxalq nüfuzunun yüksəlməsi ilə səciyyələnən dövlət siyasəti Azərbaycanda və bütövlükdə regionda yeni perspektivlər açır. Çıxış edənlər regionun ən güclü siyasi təşkilatı kimi partiya üzvlərinin bundan sonra da cəmiyyətin və ölkəmizin rifahı naminə yeni hədəflərə doğru inamla addımlayacaqlarını qeyd ediblər.
Namizədlər seçiciləri bələdiyyə seçkilərində fəal olmağa və ən layiqli namizədlərə səs verməyə çağırıblar.
