Seçki xəbərləri
Yüksək rifah və inkişaf naminə
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qazax rayonu, Çaylı, Alpout və Qazax bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşləri keçirilib.
Görüşlərdə çıxış edən seçki qərargahının üzvləri Paşa Hadıyev, Polad Ağakişiyev, Fərhad Qocamanov, Ceyhunə Hüseynova, Vaqif Nəsibov, Pəri İbrahimova, Müqabil Məmmədov, Gülnaz Alişanova, Cavanşir Rüstəm ölkəmizdə mövcud reallıqlar fonunda yaranmış sabitlik, təhlükəsizlik, əmin-amanlıq barədə ətraflı məlumat veriblər. Onlar Prezident İlham Əliyevin uğurlu siyasəti nəticəsində ölkəmizin inkişaf etdiyini bildiriblər.
Bələdiyyə üzvlüyünə namizədlər Afiq Rüstəmov, Zaur Nəsibov, Vüsal İsmayılov, Aynurə Abbasova ötən müddət ərzində bələdiyyələrin uğurlarından söz açmaqla yanaşı, qarşıda mühüm vəzifələrin dayandığını da diqqətə çatdırıblar. YAP namizədləri qeyd ediblər ki, yeni formalaşacaq bələdiyyələrdə təmsil olunmaq hüququ qazanacaqları halda, öz işlərini günün tələbləri səviyyəsində qurmaqla göstərilən etimadı doğrultmağa çalışacaqlar.
Seçicilər Nadir Məmmədov, Kamal Nəbiyev, Tərxan Əhmədov, Yusif Vəliyev çıxış edərək YAP-ın siyasətini dəstəklədiklərini və bələdiyyə seçkilərində partiyanın namizədlərinə səs verəcəklərini vurğulayıblar.
