Seçki xəbərləri
Regionun ən güclü siyasi partiyası
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Pirallahı rayonu, Pirallahı bələdiyyəsi üzrə Yeni Azərbaycan Partiyasının (YAP) namizədləri Möhübbət Məhərrəmov və Səadət İbrahimova seçicilərlə məhəllə görüşləri keçirib.
Çıxış edən bələdiyyə üzvlüyünə namizədlər həyata keçirilən layihələrdən bəhs edərək, partiyanın seçki proqramını seçicilərə izah ediblər. Onlar Azərbaycanın və regionun ən güclü siyasi partiyası olan YAP-ın yarandığı gündən iştirak etdiyi bütün seçkilərdə qələbə qazandığını qeyd ediblər. Çıxış edənlər seçiciləri partiya tərəfindən namizədliyi irəli sürülmüş şəxslərə səs verməyə dəvət ediblər.
Seçicilər isə bələdiyyə seçkilərində YAP-ın namizədlərinə səs verəcəklərini bildiriblər.
