Seçki xəbərləri
YAP zəngin seçki təcrübəsinə sahibdir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Göyçay rayonu, Potu bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Göyçay rayon təşkilatının sədr müavini Laçın İsmayılov Yeni Azərbaycan Partiyasının qələbələrlə zəngin seçki təcrübəsindən danışıb. O, deyib ki, yanvarın 29-da keçiriləcək bələdiyyə seçkilərində də partiyamız parlaq qələbə qazanacaq.
Bələdiyyə üzvlüyünə namizədlər Zamiq İbrahimov və Günel Məmmədova çıxış edərək YAP-ın seçki proqramı haqqında məlumat veriblər. Onlar bələdiyyələrin qarşısında dayanan vəzifələrdən danışıb, seçiciləri seçkilərdə fəal iştirak etməyə və YAP-ın namizədlərinə səs verməyə çağırıblar.
Seçicilər Rauf Rüstəmov, Nazir Kərimov və digərləri çıxış edərək 29 yanvarda seçki məntəqələrinə gedərək YAP-ın namizədlərinə etimad göstərəcəklərini vurğulayıblar.
