Seçki xəbərləri
Uzaqgörən və məqsədyönlü siyasi strategiya
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Ağstafa rayonu, Köçəsgər bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən seçki qərargahının üzvü Tağı İmamverdiyev, təşviqat qrupunun üzvü Talış Tağıyev və bələdiyyə üzvlüyünə namizədlər Asim Namazov, Boran Əliyev hər kəsi seçkilərdə fəal iştirak edərək YAP-ın namizədlərinə səs verməyə çağırıblar. Seçicilər Raqif Mansurov, Akim Namazov daim xalqın mənafeyini düşünən Yeni Azərbaycan Partiyasının irəli sürdüyü namizədlərə səs verəcəklərini bildiriblər.
Qeyd edək ki, Yeni Azərbaycan Partiyasının namizədləri Asim Namazov, Nizami İsgəndərov, Nuridə Hüseynova, Şahlar Əzimov Ağstafa rayonunun Köçəsgər, Həsənsu, Muğanlı və Qırılı bələdiyyələrinin ərazilərində seçicilərlə fərdi görüşlər də keçiriblər.
