Seçki-2024
YAP siyasi proseslərin mərkəzindədir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Göyçay rayonu, Çərəkə bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Göyçay rayon təşkilatının sədri Sahib Şükürov YAP-ın seçki proqramı barədə ətraflı məlumat verib, bələdiyyələrin fəaliyyətinin gücləndirilməsi məqsədilə qarşıda mühüm vəzifələrin durduğunu diqqətə çatdırıb. Təşkilat sədri ümumxalq partiyası olan YAP-ın bundan sonra da ölkəmizdə gedən bütün siyasi proseslərin mərkəzində olacağını qeyd edib.
Bələdiyyə üzvlüyünə namizədlər İbrahim Məmmədov və Rəşad Abdullayev yarandığı vaxtdan bütün seçkilərdə qələbələr qazanan YAP-ın bu seçkiləri də qalibiyyətlə başa vuracağını əminliklə ifadə ediblər. Natiqlər 29 yanvarda seçiciləri seçki məntəqələrinə gedərək YAP-ın namizədinə səs verməyə çağırıblar.
Seçicilər Elmira Əzizova, Firidun Xəlilov və digərləri çıxış edərək YAP-ın fəaliyyətini dəstəklədiklərini, bu seçkilərdə də partiyanın namizədlərinə səs verəcəklərini vurğulayıblar.
