Seçki-2024
YAP yeni dövrün çağırışlarına uyğun fəaliyyət göstərir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Saatlı rayonu, Qıraqlı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Saatlı rayon təşkilatının sədri Elşən Əzizov bildirib ki, hər dövrün özünəməxsus çağırışları var və Yeni Azərbaycan Partiyası müasir dövrün tələblərinə uyğun olaraq siyasətini formalaşdırır.
Seçki qərargahının üzvləri Sevinc Gülüşova və Sədafər Hüseynov, bələdiyyə üzvlüyünə namizəd Tahir Ağayev çıxışlarında bələdiyyələrin qarşısında dayanan vəzifələrdən danışıblar.
Görüş zamanı seçicilər yekdilliklə bildiriblər ki, yanvarın 29-da keçiriləcək bələdiyyə seçkilərində Yeni Azərbaycan Partiyasının namizədlərinə səs verəcəklər.
Qeyd edək ki, YAP Saatlı rayon təşkilatının sədri Elşən Əzizov məhəllə görüşləri də keçirib.
