Seçki xəbərləri
YAP gücünü xalqın dəstəyindən alır
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Ağdaş rayonu Qoşaqovaq bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə YAP Ağdaş rayon təşkilatının sədr müavini İsa Eminov çıxış edərək Ümummilli Lider Heydər Əliyevin qurucusu olduğu Yeni Azərbaycan Partiyasının bu gün Prezident İlham Əliyevin rəhbərliyi ilə mühüm nailiyyətlər əldə etdiyini deyib. Onun sözlərinə görə, bu gün sıralarında 730 mindən çox üzvü birləşdirən YAP gücünü xalqın dəstəyindən alır.
Bələdiyyə üzvlüyünə namizədlərdən Əmanət Mahmudova və Toğrul Abdullayev ölkədə keçirilən hər bir seçkidə olduğu kimi, qarşıdan gələn bələdiyyə seçkilərində də YAP-ın namizədlərinin qələbə qazanacağına əminliklərini bildiriblər.
Öz növbəsində çıxış edən seçicilər Tapdıq Sadıqov və Mirdamət Lətifzadə 29 yanvar seçkilərində YAP-ın namizədlərini dəstəkləyəcəklərini və səs verəcəklərini vurğulayıblar.
