Seçki xəbərləri
Uğurlar partiyası!
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Sumqayıt şəhəri Sumqayıt bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Sumqayıt şəhər təşkilatının sədr müavini Cavid Məmiyev Ümummilli Lider Heydər Əliyevin misilsiz xidmətlərindən, böyük xilaskarlıq missiyasından, Prezident İlham Əliyevin rəhbərliyi ilə qazanılan uğurlardan bəhs edib. Yeni Azərbaycan Partiyasının müstəqil Azərbaycanın dünəninə, bu gününə və gələcəyinə xidmət edən partiya olduğu qeyd olunub.
Seçki qərargahının üzvləri Təbrik Quliyev, Hümbət Quliyev, Sovet Şükürov, Şirxan Səlimov və bələdiyyə üzvlüyünə namizədlər Akif Şahbazov, Orxan Adıgözəlzadə, Şükür Əliyev seçiciləri Azərbaycanın inkişafına, parlaq və işıqlı gələcəyinə - Yeni Azərbaycan Partiyasının namizədlərinə səs verməyə çağırıblar.
Seçicilər Qaraxan Sadıxov, İsa İsayev, Günel Kərimova YAP-ın siyasətini dəstəklədiklərini və növbəti bələdiyyə seçkilərində də partiyanın namizədlərinə etimad göstərəcəklərini bildiriblər.
Qeyd edək ki, Sumqayıt və Zeynalabdin bələdiyyələri üzrə YAP namizədlərinin seçicilərlə məhəllə görüşləri də keçirilib.
