Seçki xəbərləri
Yeni dövr yeni nailiyyətlərlə zəngin olacaq
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şirvan şəhəri, Şirvan bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Şirvan şəhər təşkilatının sədri Zahir Qəhrəmanov Yeni Azərbaycan Partiyasının zəngin və şərəfli inkişaf yolu keçdiyini vurğulayıb. O qeyd edib ki, qalib xalqın Zəfər partiyası olan YAP bundan sonra da milli məqsədləri uğurla reallaşdırmaqla ölkəmizin tərəqqisinə və qüdrətinin artmasına müstəsna töhfələr verəcək. “Yeni dövr yeni nailiyyətlərlə zəngin olacaq”, - deyə vurğulanıb.
Bələdiyyə üzvlüyünə namizədlər Kürdoğlu Muradov, Akif Saqiyev, Sevinc Alışova, Aytac Əliyeva, Sərraf Əzimov, İlham Səfərov və Samirə Abışova ötən müddət ərzində yerli özünüidarəetmə orqanlarının inkişafı istiqamətində atılan addımlar və qarşıda duran hədəflərdən danışıblar. Onlar seçiciləri bələdiyyə seçkilərində fəal iştirak etməyə və YAP-ın namizədlərinə səs verməyə çağırıblar.
