Seçki-2024
Uğurların davamı naminə...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Ağsu rayonu, Ağsu bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Ağsu rayon təşkilatının sədri Füzuli Abdullayev bələdiyyə seçkilərinin önəmindən, yerli özünüidarəetmə sahəsində görülən işlər, əldə olunan nailiyyətlər və qarşıda duran məqsədlərdən bəhs edib.
Təşviqat qrupunun üzvləri Vaqif Nəzərov, İslam Bəhrəmov, bələdiyyə üzvlüyünə namizədlər Nadir Orucov, Ləman Abasova və Sevinc Beybudova YAP-ın seçki platforması barədə ətraflı məlumat verib, yeni dövrdə qarşıya qoyulan hədəflərə nail olmaq üçün seçiciləri Yeni Azərbaycan Partiyasının namizədlərini dəstəkləməyə çağırıblar.
Seçicilər Məhəmmədhüseyn Təhmasib, Elçin Novruzov və başqaları çıxış edərək səsvermə günü seçki məntəqələrinə gələrək partiyanın namizədlərinə səs verəcəklərini bildiriblər. “Uğurların davamı naminə seçimimiz Yeni Azərbaycan Partiyasıdır!”,- deyə vurğulanıb.
