Seçki-2024
Bələdiyyə seçkiləri YAP-a etimadın növbəti ifadəsi olacaq
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Binəqədi rayonu Biləcəri, Rəsulzadə və Xocəsən bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Biləcəri bələdiyyəsi üzrə namizədlər Ehtibar Cabbarov və Osman Qasımov bildiriblər ki, YAP bütün siyasi fəaliyyəti dövründə daim xalqla birgə olub, bütün ümummilli məsələlərdə xalqın maraqlarını üstün tutub. Onların sözlərinə görə, bu, partiyanın özünü xalqın tərəfdarı və ümummilli məsələlərə dair dəstəkləyici olaraq təqdim etməyə çalışdığını göstərir. Partiya, həmçinin, özünün ictimai imicini yüksəltmək və seçicilərin inamını qazanmaq məqsədi daşıyır.
Rəsulzadə bələdiyyəsi üzrə namizədlər Hümbət Hüseynov və Ayət Nağıyev seçicilərlə görüşündə onların fikir və təkliflərini dinləyiblər. Vətəndaşları maraqlandıran bir sıra məsələlərlə bağlı ətraflı fikir mübadiləsi aparılıb. Namizədlər seçiciləri əmin ediblər ki, onlar bələdiyyə üzvü seçiləcəkləri təqdirdə göstərilən etimadı doğruldacaqlar.
Xocəsən bələdiyyəsi üzrə namizədlər Nigar Məmmədova, Abbas Rəhimov və Şakir Niftiyev çıxış edərək YAP-ın seçki platforması haqqında ətraflı məlumat veriblər. Diqqətə çatdırıblar ki, seçki platformasında vətəndaşların məmnunluğunu təmin edəcək bütün məsələlər öz əksini tapıb.
Seçicilər bələdiyyə seçkilərində partiyanın namizədlərinə etimad göstərəcəklərini bildiriblər.
