Seçki-2024
Yeni qələbələr üçün
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şabran rayonu Gəndov bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Şabran rayon təşkilatının sədri Mehdi Balabəyov ölkəmizdə bələdiyyələrin yaranma tarixi, ötən dövr ərzindəki fəaliyyətləri barədə məlumat verib.
Görüşdə çıxış edən seçki qərargahının üzvü Təvəkgül Əliyev, bələdiyyə üzvlüyünə namizədlər Rəşad Məmmədov, Vüsal Rüstəmov və Niyaməddin Hacıyev ötən müddət ərzində yerli özünüidarəetmə orqanlarının inkişafı istiqamətində mühüm addımlar atıldığını diqqətə çatdırıblar. Onlar seçiciləri YAP-ın namizədlərinə səs verməyə çağırıblar.
Görüş zamanı seçicilər bələdiyyə seçkilərində partiyamızın namizədlərinə səs verəcəklərini vurğulayıblar.
