Seçki xəbərləri
Qaradağda seçicilərlə görüş keçirilib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qaradağ rayonu Lökbatan, Sanqaçal, Müşfiqabad və Qızıldaş bələdiyyələri üzrə Yeni Azərbaycan Partiyasının (YAP) namizədlərinin seçicilərlə məhəllə görüşləri keçirilib.
YAP Qaradağ rayon təşkilatının sədr müavini Faiq Qurbanov Yeni Azərbaycan Partiyasının keçdiyi şərəfli yolun müstəqil Azərbaycanın müasir inkişaf tarixi olduğunu deyib. O, sosial infrastruktur quruculuğunun davam etdirilməsi, əhalinin sosial müdafiəsinin gücləndirilməsi naminə seçiciləri bələdiyyə seçkilərində fəal iştiraka, YAP namizədlərini dəstəkləməyə dəvət edib.
Bələdiyyə üzvlüyünə namizədlər Zöhrab Babayev, Tahir Abbasov, Misir mahmudov, Azad Rzazadə, Türkanə Əliyeva və təşviqat qrupunun üzvləri çıxışlarında Prezident, YAP Sədri İlham Əliyevin siyasəti nəticəsində Azərbaycanın dünya miqyasında güclü dövlətə çevrildiyini qeyd ediblər.
Əminliklə ifadə olunub ki, yanvarın 29-da keçiriləcək bələdiyyə seçkilərində də YAP-ın namizədləri inamlı qələbə qazanacalar.
