Seçki xəbərləri
Uğurlar məqsədyönlü siyasətin nəticəsidir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Samux rayonu, İnstitut bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Samux rayon təşkilatının sədri Gündüz Bayramov ölkə iqtisadiyyatının gücləndiyini və beynəlxalq səviyyədə Azərbaycanın rolu və nüfuzunun artdığını vurğulayıb. Təşkilat sədri Prezident İlham Əliyevin dövlət idarəçiliyi sahəsində yeni yanaşmalar gətirdiyini və bu yanaşmaların milli maraqlara xidmət etdiyini, həmçinin siyasi realizmə əsaslandığını bildirib.
Bələdiyyə üzvlüyünə namizədlər Səmiyyədin Abbasov və Elşad Xəlilov YAP-ın seçki proqramı haqqında ətraflı məlumat verib, bələdiyyə seçkilərinin ölkəmizin ictimai-siyasi həyatında önəmindən bəhs edib və seçiciləri partiyanın namizədlərinə səs verməyə çağırıblar.
