Seçki xəbərləri
Qobustanlıların seçimi bəllidir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Qobustan rayonu, Cəyirli bələdiyyəsi üzrə Yeni Azərbaycan Partiyasının (YAP) namizədlərinin Nabur kəndində seçicilərlə görüşü keçirilib.
Görüşdə giriş sözü ilə çıxış edən YAP Qobustan rayon təşkilatının sədri Qasım Qasımov çıxışında ölkəmizdə bələdiyyələrin yaranma tarixi, ötən dövr ərzindəki fəaliyyətləri haqqında məlumat verib.
Görüşdə çıxış edən seçki qərargahının üzvləri Günay Muradova, Bəhruz Aslanov, Vüqar Hüseynov və bələdiyyə üzvlüyünə namizədlər Aynur Axundova və Seyfi Hacıyev YAP-ın seçki proqramında əksini tapan hədəfləri diqqətə çatdırıblar. Əhaliyə göstərilən xidmətlərin keyfiyyətinin yüksəldilməsi və vətəndaş məmnunluğunun artırılması naminə qarşıda mühüm vəzifələr dayandığını da qeyd ediblər.
Görüşlər zamanı seçicilər YAP-ın fəaliyyətini dəstəklədiklərini vurğulayıblar.
