Seçki xəbərləri
Yeni zirvələrə...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şabran rayonu Şabran, Pirəbədil, Gəndov və Rəhimli bələdiyyələri üzrə Yeni Azərbaycan Partiyasının (YAP) namizədlərinin seçicilərlə fərdi və məhəlli görüşləri keçirilib.
Bələdiyyə üzvlüyünə namizədlər Fidan Fərzəliyeva, Atabala Şeydayev, Elşad Orucov, Əlirəhim Bibiquliyev, Vüsal Rüstəmov, təşviqat qrupunun üzvləri Seymur Qədəşov və Ağaşirin Bağırzadə gələcək inkişaf konsepsiyasının uğurla icrası üçün bələdiyyə seçkilərində YAP-ın qələbəsinin vacibliyindən danışıblar. Qarabağ Zəfərindən sonra yaranmış yeni reallıqlar fonunda Azərbaycanın Prezident, YAP-ın Sədri İlham Əliyevin rəhbərliyi ilə parlaq gələcəyə doğru daha inamla irəliləyəcəyinə əminlik ifadə ediblər.
Seçicilər Əliyulla Həsənov, Zərnişan Həsənova, Coşqun Babayev, Akif Mahmudov, Bədəl Bədəlov və digərləri bələdiyyə seçkilərində fəal iştirak edəcəklərini və ən layiqli namizədlərə səs verəcəklərini deyiblər.
