Seçki-2024
Azərbaycan parlaq gələcəyə inamla irəliləyir
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Göygöl rayonu, Balçılı bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşləri keçirilib.
Görüşlər zamanı YAP Göygöl rayon təşkilatının sədri Vüqar İsayev bələdiyyələr seçkiləri ilə bağlı Yeni Azərbaycan Partiyasının seçki proqramı və namizədləri haqqında ətraflı məlumat verib.
Seçki qərargahının üzvü Emin Məmmədov, bələdiyyə üzvlüyünə namizədlər Fəxri Hüseynov, Məlahət Quliyeva, Gülarə Nəbiyeva bələdiyyələrin bir çox layihələrin həyata keçirilməsinə və sosial məsələlərin həllinə önəmli töhfələr verdiyini vurğulayıblar. Bununla yanaşı, əhaliyə göstərilən xidmətlərin keyfiyyətinin yüksəldilməsi və vətəndaş məmnunluğunun artırılması naminə qarşıda mühüm vəzifələr dayandığı da bildirilib.
Çıxış edən seçicilər Akif Hüseynov, Səhər Quliyeva və Roza Abbasova bələdiyyə seçkilərində Yeni Azərbaycan Partiyasının namizədlərinə səs verəcəklərini vurğulayıblar.
Qeyd edək ki, həmin gün YAP-ın namizədləri Cümşüdlü, Qırıqlı və Haçaqaya kəndində seçicilərlə məhəlli görüşlər də keçiriblər.
