Seçki xəbərləri
Yeni reallıqlar fonunda
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Suraxanı rayonu Zığ, Qaraçuxur və Hövsan bələdiyyələri üzrə Yeni Azərbaycan Partiyasının (YAP) namizədlərinin seçicilərilə məhəllə görüşləri keçirilib.
Seçicilərlə görüşlər Qaraçuxur qəsəbəsi, Yeni Günəşli “V” yaşayış sahəsi I və V binaların qarşısında namizəd İxtiyar Nəcəfovun, Zığ qəsəbəsi, Zığ parkında namizəd Təranə Səfərovanın, Hövsan qəsəbəsi, şəhid Fizuli Bayramov, Hafiz Quliyev küçələrində isə namizədlər Seymur Rəsulovun, İbrahim İbrahimovun, Elburus Xəlilovun və Sənan Əliyevin iştirakı ilə keçirilib.
Görüşlərdə YAP-ın namizədləri partiyanın seçki proqramları ilə seçiciləri tanış edib və gələcək planları haqqında geniş məlumat veriblər. Onlar bildiriblər ki, YAP növbəti bələdiyyə seçkilərinə də reallıqlar və çağırışlar fonunda qatılır.
Məhəllə görüşləri zamanı seçicilər YAP-ın fəaliyyətini dəstəklədiklərini bildirib və bələdiyyə seçkilərində partiyanın namizədlərinə səs verəcəklərini vurğulayıblar.
