Seçki-2024
Yerli özünüidaəetmə orqanları böyük inkişaf yolu keçib
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Ağdaş rayonu Pirəzə bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşdə çıxış edən YAP Ağdaş rayon təşkilatının sədr müavini İsa Eminov günümüzə qədər keçirilmiş bütün seçkilərdə Yeni Azərbaycan Partiyasının qələbə qazandığını vurğulayıb. O, “Qarşıdan gələn bələdiyyə seçkilərində də Yeni Azərbaycan Partiyası qəti şəkildə qələbə əldə edəcək” deyərək, seçicilərə partiyanın seçki proqramı ilə bağlı ətraflı məlumat təqdim edib. Təşkilat sədri partiyanın güclü dəstəyi və xalqın etimadı ilə bu seçkilərdə də müsbət nəticələr əldə olunacağına inandığını bildirib.
Tədbirdə çıxış edən bələdiyyə üzvlüyünə namizədlər Ceyran Əhmədova, Səidə Yaqubova və Sona Musayeva qeyd ediblər ki, əhaliyə göstərilən xidmətlərin keyfiyyətinin yüksəldilməsi üçün bələdiyyələrin təkmilləşdirilməsi bundan sonra da davam etməlidir.
Seçicilərdən Şəfa Musayeva və Ruslan İbrahimov bildiriblər ki, onlar xalqın etimadını doğrultmuş Yeni Azərbaycan Partiyasının namizədlərin dəstəkləyirlər.
