Seçki xəbərləri
“Qazanılan qələbələr YAP-a olan inamın ifadəsidir”
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Şərur rayonu Kürçlü bələdiyyəsi üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
Görüşü giriş sözü ilə açan YAP Şərur rayon təşkilatının məsləhətçisi Adil Əhmədov Yeni Azərbaycan Partiyasının bütün seçkilərdə qələbə qazandığını xatırladıb. O, partiyanın qarşıdan bələdiyyə seçkilərində böyük uğur əldə edəcəyinə əminliyini ifadə edib.
Təşviqat qrupunun üzvləri Nüsrət Həsənov, Musa Şirəliyev və Tahir Əliyev, bələdiyyə üzvlüyünə namizədlər Nail Novruzov, Rasim Aşurov, Xanım Məmmədova çıxış edərək bildiriblər ki, YAP ümumxalq və qələbələr partiyası kimi yüksək nüfuza malikdir. “Qazanılan qələbələr xalqın partiyamıza olan inamının ifadəsidir”.
Görüş zamanı seçicilər partiyanın fəaliyyətini dəstəklədiklərini və bələdiyyə seçkilərində YAP namizədlərinə səs verəcəklərini bildiriblər.
