Seçki xəbərləri
Xaçmazda seçicilərlə növbəti görüş...
Azərbaycan Respublikasında 2025-ci il yanvarın 29-na təyin edilmiş bələdiyyə seçkilərinin təşviqat mərhələsi çərçivəsində Xaçmaz rayonu Xaçmaz, Qaraqurtlu, Köhnə Xaçmaz bələdiyyələri üzrə Yeni Azərbaycan Partiyasının (YAP) namizədlərinin seçicilərlə görüşü keçirilib.
YAP Xaçmaz rayon təşkilatının sədri Məhəmməd Balaqadaşov YAP-ın hər zaman bütün seçkilərə yüksək səviyyədə hazırlaşdığını vurğulayaraq partiyanın bu dəfə də möhtəşəm qələbə qazanacağına inamını ifadə edib. O, bələdiyyə üzvlüyünə namizədlər haqqında seçiciləri məlumatlandırıb.
Seçki qərargahının üzvləri Nazim Ağayev, Abasyar Heydərov, Emil Tağıyev, bələdiyyə üzvlüyünə namizədlər Tural Məlikov, Aslan Məmmədov, Mədinə Əliverdiyeva bu gün Azərbaycan Respublikasının Prezidenti, Yeni Azərbaycan Partiyasının Sədri İlham Əliyev tərəfindən həyata keçirilən siyasətin uğurlarından geniş bəhs ediblər.
Natiqlər çıxışlarında seçiciləri bələdiyyə seçkilərində fəal iştirak etməyə və ən layiqli namizədlərə səs verməyə çağırıblar.
Qeyd edək ki, Xaçmaz, Xudat, Yalama, İstisu, Yeni Həyat, Qusarçay, Nərəcan, Köhnə Xaçmaz, Qımılqışlaq, Yergüc, Hülövlü, Çarxı və Qaraqurtlu bələdiyyələri üzrə YAP namizədlərinin seçicilərlə məhəllə görüşləri də keçirilib.
